«Ерекше білім беруді қажет ететін оқушыларға жағдай жасауда қазақ тілі мен әдебиеті пәні мұғалімдерінің іс - тәжірибесінен» тақырыбында қалалық семинар – практикум

Семинар – практикумның мақсаты: Жалпы орта білім беретін мектептердегі оқу бағдарламаларын іске асыруда ерекше білімді қажеттіліктері бар балалардың даму ерекшеліктерін ескеру, педагогтардың оқу іс-әрекетін ұйымдастыру, нормативтік құжаттармен танысу. Инклюзивті білім беруге жетекшілік ететін директордың орынбасарларыы, пән мұғалімдері, бастауыш сынып мұғалімдері, педагог-психологтар қатысты.
Семинарда Семей қаласы білім бөлімінің әдіскері Н.С. Байсарина «Ерекше білім беру қажеттілігі бар оқушыларды оқыту үшін жағдайларды қамтамасыз ету» тақырыбында сөз сөйледі. Ерекше білім беру қажеттіліктері бар балалар үшін жасалған жағдайлар туралы айтып, ерекше білім беру қажеттіліктері бар балалардың білімін қайталау, жалпылау және түзету, кедергісіз орта құру, балалардың ата-аналарымен ынтымақтастық ұйымдастыру кезінде сараланған тәсілдің ерекшеліктеріне назар аударды.
Семинар – практикум барысында 9 “Ә” сыныбына қазақ әдебиеті пәнінен Б.Е. Байбатырова “Фариза - поэзия падишасы», 3 “Б” сыныбына қазақ тілі пәнінен Ж.Е. Ермухамедова “Бауыржан- батыр” тақырыбында ашық сабақтар көрсетті. Сондай-ақ педагог-психолог мамандар да өздерінің іс-тәжірибелерін ортаға салды. “Мектеп жанындағы интернаты бар №42 жалпы орта білім беретін мектебі" КММ педагог- психолог, дирек
тордың инклюзивті оқыту жөніндегі орынбасары A.О. Акпамбаева "Ерекше білім беруді қажет ететін білім алушыларды психологиялық- педагогикалық қолдау" атты коучинг өткізді. «№44 ЖОББМ» КММ психолог-логопед Р.С Оразқанова., М.Қ. Рахымбек “Ерекше білім беруді қажет ететін оқушыларға тиімді әдіс-тәсілдерді қолдану” тақырыбында іс-тәжірибелерімен бөлісті.