22-Наурыздағы көрме

Наурыз – көктем мерекесі, табиғаттың жаңаруы, жыл басы, жаңа өмірдің басталуы. Бұл -танымдық мереке, себебі Наурызбен байланысты көптеген әдет-ғұрып, салт-дәстүр бар. Сондықтан Жаңа жылды қарсы алуға өте жауапкершілікпен қарап, оған дайындықты ерте бастаған.
Наурыз мейрамын өткізу тұжырымдамасына сәйкес №44 жалпы орта білім беретін мектепте тақырыптық кештер, концерттік бағдарламалар, қайырымдылық акциялар өткізіліп, кітапханаларда мейрамның адамгершілік мән-мағынасын түсіндіруге, келешектегі дамуын насихаттауға және Қазақстан аумағында тұратын халықтардың тарихи-мәдени мұрасын сақтауға арналған тақырыптық көрмелер ұйымдастырылды. Іс-шаралардан білім беру саласының ардагерлері, ата-аналар қауымдастығы да шет қалған жоқ.
Білім беру ордамыз Наурыз мерекесін Әуезов даңғылы алаңында тойлауға қатысты. Жалпы білім беретін мектептер, мектепке дейінгі мекемелер мен арнайы интернаттар сәндік - қолданбалы өнер көрмесін ұйымдастырды. Мерекенің басты тақырыбы – «Мәңгілік Ел» ұлттық идеясы, «Рухани жаңғыру» бағдарламасы, Астана қаласының 20 жылдығы.
Балаларға арналған спорттық алаңқай ұйымдастырылып, спорттың алуан түрінен жарыстар өткізілді. Аталған сайыстарға мектебіміздің 6-7 сынып оқушылары қатысты.