Мектеп мұражайының ашылуы
2019 жылдың «Рухани жаңғыру» бағдарламасын іске асыру аясында оқушыларға ұлттық, патриоттық тәрбие беру, халқымыздың асыл қазыналарын дәріптеу жұмыстарын жандандыру барысында мектеп мұражайын ашу жоспарланды. Мектеп мұражайы 2020-2021 оқу жылында оқу -тәрбие жоспарына енгізілді. Қазан айынан бастап орналасатын жері дайындалып, ата-аналар мен ұстаздардың көмегімен әртүрлі бағыттағы жәдігерлер жинала бастады. Мұражай жетекшісі ретінде қазақ тілі және әдебиет пән мұғалімі Чакерова Арайлым Болатовна бекітілді. 2021-2022 оқу жылында Тәуелсіздігіміздің 30 жылдық мерейтойы қарсаңында 15 – желтоқсанда мектеп әкімшілігімен , мектеп ұстаздарының ұйымдастыруымен «Рухани жаңғыру -ұлттың ұлы мұраты» тақырыбында мұражай салтанатты түрде ашылды. Мектеп мұражайы қолданыстағы ережелеріне сәйкес, жәдігерлермен қатар материалдық базамен қамтамасыз етілді.